Áhugamannafélagið Íslenskir Eldsmiðir var stofnað árið 2009 og hefur aðsetur í Byggðasafninu að Görðum á Akranesi. Þar byggðum við myndarlega eldsmiðju árið 2013, og hefur það gjörbreytt öllum forsendum félagsins til að vaxa og dafna. Smiðjan fellur vel inn í umhverfið við safnasvæðið og þar höldum við reglulega námskeið. Einnig fáum við reglulega í heimsókn meistarasmiði frá ýmsum löndum til að efla þekkingu okkar og færni í faginu.